13 марта 2009 г.
Мартăн 15-мĕшĕнче районти халăх пултарулăхĕн çуртĕнче çамрăк вокалистсен конкурсĕ иртет. Ăна хамăр ентешĕн ЧР тата РФ тава тивĕçлĕ артисчĕн В. Петровăн 55 çулхи юбилейне халаллатпăр.
Кăçалхи конкурса хутшăнакансем виçĕ категорире вăй виçеççĕ: 5—9 çулхисем, 10—13 тата 14—17 çулхисем. Унăн тĕллевĕ — пултаруллă ачасене тупса палăртасси, вĕсен творчествине малалла аталантарасси, музыка енĕпе вĕсене малалла вĕренме кайма пулăшасси тата çул уçса парасси.
Вокалистсен конкурсне пирвайхи хут 1995 çулта Кĕçĕн Шетмĕри культура çуртĕнче В. Петрова директор тимленипе ирттернĕ. Ун хыççăн ăна йĕркелессине районти искусство шкулĕ хăй çине илчĕ. Трак енре çамрăк вокалистсен йышĕ çулленех ÿссе пырать. Акă Сергей Петровпа Татьяна Ильина (Михеева) çак конкурссенче пĕрре мар палăрчĕç, каярах культура училищинчен вĕренсе тухрĕç.
Кăçалхи конкурса сире хапăл туса кĕтетпĕр. Вăл çÿллĕ шайра иртессе шанатпăр.