13 марта 2009 г.
Хĕл. Маншăн питĕ çывăх вăл. Кăп-кăпăш юр çивиттине сăнаса утатăп. Уçă сывлăш, хĕлĕх ала витĕр сăрхăнса тухнă евĕр, тап-таса. Кăкăр туллин сывласа пыратăп. Умра, Çĕнтерÿ паркĕнче, йăрăс чăрăшсем курăнаççĕ. Вĕсен сип-симĕс тураттисем çине пĕр ушкăн çерçи вырнаçнă.
Чĕвĕлтетеççĕ çеç. Пасар тăваççĕ тейĕн ахăртнех. Акă, тротуарпа килекен икĕ коляска курăнчĕ. Вĕсене илĕртÿллĕ пит-куçлă çамрăк хĕрарăмсем тĕксе пыраççĕ. Иккĕшĕ те кăмăллă. Ачисем те, пĕр çулталăк тултарнăскерсем, йăл кулăпа ларса пыраççĕ.
Пĕвесем те халь кăпăшка юрпа хупланнă. Ав, районти шалти ĕçсен пайĕпе юнашарринче ача-пăча хĕвĕшет. Кунта юра хырса каток хатĕрленĕ. Ярăн çеç конькипе...