06 марта 2009 г.
Паллă ĕнтĕ, районти “Ял пурнăçĕ” хаçат редакцийĕ райхаçата ытларах çырăнтарас тĕллевпе тĕрлĕ формăсемпе усă курать. Ку вăл — райхаçат страницисен содержанийĕпе сăн-сăпатне лайăхлатни те, вулакансем хушшинче лотерея ирттерни те, почта çыхăну уйрăмĕсене, почтальонсене райхаçата кашни 100 кил пуçне нумайрах сарнишĕн хавхалантарни те. Юлашки тапхăрта Мăн Шетмĕ çыхăну уйрăмĕ ку тĕлĕшпе райхаçат редакцийĕ хатĕрленĕ условисене ăнăçлă пурнăçласа пырать. Акă, иртнĕ çулхи малтанхи çур çулта ку туслă коллектив кашни 100 кил пуçне “Ял пурнăçне” 30,7 экземпляр сарнăччĕ, иккĕмĕш çур çулта вăл ку хисепе 33,4, пĕтĕмпе вара 201экземпляра çитерчĕ, дипломпа хаклă парнене тивĕçрĕ. Условисемпе наградăна çĕнсе илмешкĕн çыхăну уйрăмĕсен райхаçата кашни 100 кил пуçне 25, почтальонсен 35 экземпляртан кая мар сармалла.