06 марта 2009 г.
Тĕрĕс сăмахсем кусем. Мана та, акă, сывлăх сыхлавĕн “Красноармейски тĕп больници” муниципаллă учрежденийĕн терапи уйрăмне нарăс уйăхĕн пуçламăшĕнче чĕнсе илсех сиплерĕç. Уйрăм заведующийĕ Л. М. Дмитриева врач питĕ вашават та кăмăллă пулчĕ, çынна эмелпе кăна мар, ăшă сăмахсемпе те сиплет Лилия Михайловна. Л. Л. Алексеева аслă сестра та маттур иккен. Н. Ю. Белова, М. К. Васильева, В. Ю. Костина, В. В. Маркова палата сестрисем те, Н. А. Кириллова процедура сестри те, А. Г. Аркадьева, О. Н. Степанова, Н. Г. Гурьева, Л. А. Владимирова, Р. В. Григорьева, А. Н. Павлова, О. А. Абдурахимова санитаркăсем те хăйсен тивĕçĕсене тÿрĕ кăмăлпа пурнăçласа пыни савăнтарчĕ. Эпĕ вĕсене пурне те чун-чĕререн тухакан ăшă сăмахсемпе тав тăватăп, чирлĕ çынсене çавнашкал йышăнса тарават пăхма малашне те ырлăх-сывлăхпа телей сунатăп.