03 марта 2009 г.
Нарăс уйăхĕн 26-мĕшĕнче Красноармейски ялĕнчи “Колосок” ача садне çÿрекенсем “Çăварни” уява хутшăнчĕç.
Çитĕннисем пулăшнипе вĕсем, 4 ушкăна пайланса, тĕрлĕ ăмăртусемпе вăйăсем йĕркелерĕç, хут купăс сассипе Хĕле ăсатрĕç, Çуркуннене кĕтсе илчĕç. Юлашкинчен вĕсем пурте пĕрле катемпине çунтарса янине пăхрĕç. “Çăварни” уявпа пĕчĕккисем çав тери кăмăллă юлчĕç.
Чăваш халăх уявĕсене ирттересси “Колосок” ача садĕнче тахçанах ырă йăлара. Çулленех кунта Сурхури, Мăн кун, Кĕр мăнтăрĕ уявĕсене уявлаççĕ. Ку вăл ачасен, аслисен кăмăлне те туллин тивĕçтерет.