27 февраля 2009 г.
Нарăс уйăхĕн 22-мĕшĕнче, вырсарни кун, Красноармейски вăрманĕ çывăхĕнче муниципаллă служащисен йĕлтĕрпе чупассипе районти спартакиади иртрĕ.
Ăна вĕсем оборонăллă-массăлла тата спорт ĕçĕн уйăхлăхĕпе Тăван çĕр-шыв хÿтĕлевçин кунне халалларĕç. Йĕлтĕрçĕсене ку ятпа район пуçлăхĕ С. Николаев, физкультурăпа спорт, çамрăксемпе ĕçлекен сектор заведующийĕ А. Лебедев саламларĕç.
Эстафетăра 5 команда тупăшрĕ. Пĕрремĕш вырăна район пуçлăхĕ С. Николаев ертсе пынă команда тивĕçрĕ. Иккĕмĕшĕнче — финансистсемпе çăлав службинче вăй хуракансем, виççĕмĕшĕнче — район пуçлăхĕн пĕрремĕш çумĕ Н. Антонов ертсе пынă йĕлтĕрçĕсем.