27 февраля 2009 г.
Упири тĕслĕх библиотекăра паллă çыравçă В. В. Бианки çуралнăранпа 115 çул çитнине анлăн паллă турĕç.
Вулавăшра Упи вăтам шкул вĕренекенĕсем В. В. Бианкин калавĕсем тăрăх литература çул çÿревĕнче пулчĕç, литература вăййине хутшăнчĕç. Вулавăш ĕçченĕсем ачасене писатель çырнă кĕнекесенчи çут çанталăкпа тата чĕр чун тĕнчипе илĕртме пултарчĕç.
Виталий Бианки — пирĕн çĕр-шыври ача-пăча литературин классикĕ. Унăн кĕнекисене вуласа çĕр-шыври ачасен пĕр ăрăвĕ çеç ÿсмен. Вăл хăй пурнăçĕнче 300 ытла калав, юмах, повесть çырнă. Автор кĕнекисем сана çут çанталăк тĕнчине илсе кĕреççĕ, унăн вăрттăнлăхĕсене ăнкарма пулăшаççĕ. Çавăнпа та вĕсем пур шайри вулакан хушшинче те пысăк хисепре.