20 февраля 2009 г.
Районти ачасемпе çамрăксен пултарулăх çуртĕнче йĕркеленĕ “Люди идут по свету...” ятлă сăн ÿкерчĕксен конкурсĕн кăтартăвĕсем те паллă. Унта ачасемпе пĕрле вĕрентекенсем те хутшăннă.
“Çутçанталăк” номинацире Упи вăтам шкулĕнчи 11-мĕш класра вĕренекен Д. Иванов (“Уснувший богатырь”) çĕнтернĕ. “Портрет” номинацире пĕрремĕш вырăна никама та паман. “Шÿт” номинацире малти виçĕ вырăна Упири пĕтĕмĕшле пĕлÿ паракан хупă йышши шкулти математика учителĕ Н. Михайлова çĕнсе илнĕ. “Спорт тата кану” номинацире пĕрремĕш вырăна С. Максимова (Пикшик шкулĕ, “Мы, ребята, молодцы”) панă. “Чĕр чун тĕнчи” номинацире вара И. Илларионова (Алманч, 9-мĕш кл., “Всегда на страже”) çитекенни пулман.
Кашни номинацире мала тухнисем райадминистрацин вĕрентÿ пайĕн хисеп грамотисене тивĕçеççĕ.