20 февраля 2009 г.
Оборонăллă-массăлла тата спорт ĕçĕн уйăхлăхне хутшăнса Кĕçĕн Шетмĕри пĕтĕмĕшле пĕлÿ паракан вăтам шкулти классенче тĕрлĕрен мероприятисем иртрĕç.
И. Афанасьева класс ертÿçи пулăшнипе “Кам вăл çĕр-шыв сыхлавçи?” класс сехечĕ йĕркелерĕмĕр. Хамăр пата хăнана Мускав облаçĕнчи Серпуховри çар институчĕн курсантне Алексей Павлова чĕнтĕмĕр. Вăл вĕренÿ заведенийĕ пирки тĕплĕн каласа кăтартрĕ, хăйсем патне вĕренме йыхравларĕ.
Уçă сывлăшра йĕркеленĕ “Хаваслă стартсем” çав тери савăнăçлă иртрĕç. Ачасем чупрĕç, çунашкапа ярăнчĕç.