20 февраля 2009 г.
Нарăс уйăхĕн 14-мĕшĕнче районти ачасемпе çамрăксен пултарулăх çуртĕнче “Эпĕ тата пушар хăрушсăрлăхĕ” конкурсăн 3-мĕш тапхăрĕ иртрĕ.
Вăл 5 станцире пычĕ. Тупăшăва шкулсен 6-мĕш классенче вĕренекенсенчен йĕркеленĕ 11 команди хутшăнчĕ, заданисен тĕрлĕ варианчĕсене пурнăçларĕ. Конкурсра Красноармейскинчи 2-мĕш вăтам шкул команди çĕнтерчĕ, унăн чысне Анастасия Николаева, Константин Евгеньев, Антон Россейкин, Леонид Ильин, Антон Суховетрюк, Светлана Леонидова хÿтĕлерĕç (ертÿçи — С. Н. Петров учитель).
Иккĕмĕш вырăна — еншикчуллăсем, виççĕмĕшне именкассисем тивĕçрĕç. Çĕнтерÿçĕ-командăсене 32-мĕш пушар чаçĕн дипломĕсемпе, конкурса хутшăннисене призсемпе чысларĕç.