13 февраля 2009 г.
Нарăс уйăхĕн 7-мĕшĕнче, шăмат кун Еншик Чуллăри А. Г. Николаев летчик-космонавт ячĕллĕ вăтам шкулта та кунтан вĕренсе тухнисен тĕл пулу каçĕ иртрĕ.
Унта пурĕ 157-ĕн хутшăнчĕç. Вĕсем умĕнче малтанах вĕрентÿ пайĕн пуçлăхĕн çумĕ М. Д. Голубев, шкул директорĕ, район депутачĕсен Пухăвĕн депутачĕ Т. А. Беззубова, педагогика ĕçĕн ветеранĕ К. А. Афанасьев тата шкултан вĕренсе тухнисен ассоциацийĕн председателĕ Людмила Николаева тухса каларĕç.
Малалла пухăннисем шкул телевиденийĕн презентацине хутшăнчĕç, видеоклипсем, шкулти “Упавшие с небес” КВН командин пултарулăхне пăхрĕç.
Тĕл пулу каçĕ вун пĕр-мĕшсем “Шкул — пирĕн кил...” шкул гимнне юрланипе вĕçленчĕ.