30 января 2009 г.
Çĕнĕ çул уявĕсем лăпкă иртрĕç пулсан та ун хыççăнах район территорийĕнче çине-çинех 3 пушар алхасрĕ.
Акă, кăрлач уйăхĕн 17-мĕшĕнче Тусайри пĕр хуçалăхра электричествăпа усă курмалли правилăсене пăхăнманран мунча çунчĕ, тăкакĕ — 5 пин тенкĕне яхăн. Тепĕр кунне ирхине 4 сехетре Чатукасси ялĕнчи пĕр килте, хальхинче кăмакапа усă курнă чухне йĕркене пăснăран, каллех мунча çунма тытăннă, çапла вара хуçисем пĕр пине яхăн тенкĕ тăкак тÿснĕ. Кăрлач уйăхĕн 18-мĕшĕнчех, 17 сехет те 30 минутра Красноармейскинчи 32-мĕш пушар чаçне Супарти пĕр хуçалăхра сарай çунни çинчен шăнкăрав килчĕ. Пушар сăлтавĕ — ку хутĕнче те кăмакарах, вăл 5 пине яхăн тенкĕ тăкак кÿнĕ.
Танлаштарса пăхма. Пĕлтĕр ку вăхăт тĕлне пирĕн тăрăхра пĕр пушар пулнă. Вут-кăвар тухасран асăрхануллă пулăр.