23 января 2009 г.
Район территорийĕнче январĕн 1—19-мĕшĕсенче йĕркелĕхе пăснă оперативлă сводкăран.
- Январĕн 1-мĕшĕнче Янмурçин ялĕнчи урамран, пĕр пулăçăн тимсĕрлĕхне пула, палламан çын 850 тенкĕлĕх пулăç хатĕрĕсене йăкăртнă.
- Январĕн 7-мĕшĕнче, каçхине Пайсупин ялĕнчи 1971 çулхи пĕр гражданинăн хуçалăхĕнчен икĕ вăкăр (36000 тенкĕлĕх) вăрласа тухнă. Следстви пырать.
- Асăннă тапхăрта Кăмакал, Пăрăнтăк, Санькасси, Тватпÿрт, Шурка ялĕсенче пурăнакан çынсем вăрттăнла майпа электроэнерги вăрласа пÿрт-çурчĕсене ăшăтса тăнине тупса палăртнă.
- Январĕн 4 тата 14—15-мĕшĕсенче Вăрманкас (Еншик Чуллă ял тăрăхĕ), Чатукассипе Çирĕклĕ ялĕсенче, хаяр шĕвек ĕçнине пула, 1955, 1957 тата 1943 çулсенче çуралнă арçынсемпе хĕрарăм вилнĕ.
- Январĕн 1—15-мĕ-шĕсенче тĕрлĕрен сăлтавсем тăрăх 11 çын çут тĕнчепе сыв пуллашнă.