20 января 2009 г.
Чăваш Ен Президенчĕн Н. В. Федоровăн хушăвĕпе республикăри студентсемпе çамрăксен представителĕсене пултарулăхри пысăк ăнтăлушăн стипендисем пама йышăннă. Çапла вара 2009 çулта тĕрлĕ ĕç-хĕлте курăмлă çитĕнÿсем тунă 1 пин яшпа хĕр уйăхсерен 1830-шар тенкĕ илсе тăрĕ.
Палăртма кăмăллă: асăннă йышра пирĕн районтан — çиччĕн, акă çаксем вĕсем — Еншик Чуллă вăтам шкул директорĕн воспитани енĕпе ĕçлекен çумĕ Владимир Николаевич Абрикосов, Красноармейскинчи 2-мĕш вăтам шкул вĕренекенĕ Ксения Васильева, районти ачасемпе çамрăксен спорт шкулне çÿрекен Светлана Григорьевапа Данил Данилов, Трак чăваш-нимĕç гимназийĕн вĕренекенĕсем Наталья Ивановапа Константин Львов тата “Досаево” ял хуçалăх артелĕн экономисчĕ Ирина Валериановна Яковлева. Саламлатпăр.