16 января 2009 г.
“Ял пурнăçĕ” хаçат редакцийĕн коллегийĕн ларăвĕнче обществăлла çыравçăсен 2008 çулхи конкурса килнĕ материалĕсене пăхса тухнă.
Чи лайăх очерксен, тĕрленчĕксен, репортажсен, интервьюсен, фельетонсен тата сăвăсемпе калавсен, новеллăсен, юптарусен конкурсĕнче ПĔРРЕМĔШ вырăна Николай КАРАЙ (Карай) “Мухтанатпăр санпа” (15 №), “Карайсем” (41-42 № №), “Салтак арăмĕ” (49-50 № №) тата ытти материалсемшĕн йышăннă.
ИККĔМĔШ вырăнта — Леонид АНТОНОВ (Красноармейски) “Сад — сад мар пан улмисемсĕр” (18 №), “Утар çырми” (65 №), ВИÇÇĔМĔШĔНЧЕ — Ольга СТЕПАНОВА (Чатукасси) “Савăнатăп ĕçтешĕмпе” (24-25 № №).
Константин ШАЧКИН, Полина ВЛАДИМИРОВА, Татьяна Борисова авторсене хавхалантармалли парнесем пама палăртнă.
Кулăшпа шÿт, анекдот ăстисен конкурсĕнче Михаил ПРОХОРОВ (Красноармейски) палăрнă.
* * *
2008 çулта районти “Ял пурнăçĕ” хаçат редакцийĕ тата “Ача-пăча калаçать” ятлă конкурс ирттерчĕ. Унти тупăшăва хутшăнса, вулакансем, вĕренекенсем ача-пăча калаçăвĕнчи шÿтсем, кулăшсем, ачасем хăйсем ăсталанă кулăшла хайлавсем ярса пачĕç.
Жюри, конкурса пĕтĕмлетнĕ май, М. ТИМОФЕЕВА (Шетмĕ Михали, Кĕçĕн Шетмĕ) хавхалантарма парне пама йышăннă.
“Манăн çемье историйĕ” конкурса та вулакансенчен материалсем сахал мар килчĕç. Н. НИКОЛАЕВА, Алманч шкулĕ (“Аслă кукамай халалĕпе”), Г. АЛЕКСЕЕВ, Красноармейски ялĕ (“Ултă ывăлĕ те вăрçăра çапăçнă”), Л. АНТОНОВА, Кĕçĕн Шетмĕ шкулĕ (“Çирĕп тымар”), К. АЛЕКСЕЕВА, Чатукасси шкулĕ (“Телейлĕ йышра пурăнатăп”) хавхалантармалли парнесене тивĕçнĕ.