16 января 2009 г.
Райбольницăн чи аслă медсестри Э. Алексеева ЧР медицина сестрисен Ассоциацийĕн делегацийĕпе Санкт-Петербургра иртнĕ вăтам пĕлÿ илнĕ медицина ĕçченĕсен Пĕтĕм Раççейри виççĕмĕш сăезчĕн ĕçне хутшăннă. Кунта 69 регионти 1800 делегат тата СНГ, Швеци, США, Канада çĕр-шывĕсенчен килнĕ хăнасем пулнă. Делегатсем регионсенчен килнĕ ертÿçĕсен, ученăйсен, вĕрентÿ енĕпе тăрăшакансен доклачĕсене тимлĕн итлесе сÿтсе явнă, хăйсен ĕç опычĕсемпе паллаштарнă.
Виçĕ кун хушшинче асăннă сăезда пухăннисем Раççейри медицина сестрисен ĕçне аталантарма пулăшакан 15 çуллăх (2009—2014) программăн проектне сÿтсе явса йышăнчĕç.