31 декабря 2008 г.
Пирĕн район центрĕнче 4 вулавăш. Эпĕ Красноармейскинчи пĕтĕмĕшле пĕлÿ паракан иккĕмĕш вăтам шкулăн библиотекине хаваспах çÿретĕп.
Кунта яланах чун туртать. Вулавăшра ăшă, çутă, таса. Кĕнекесене çÿлĕксем çине курăнмалла вырнаçтарса тухнă. Вĕсен хисепĕ çулран çул ÿссе пырать. Э. В. Чаховская, З. И. Петрова ĕçченсем кашни вулаканăн ыйтăвне çийĕнчех татса пама тăрăшаççĕ, сĕнÿ-канашпа пулăшаççĕ. Аслă юлташсем йĕркелесе пынипе библиотекăра тăтăшах викторинăсем, ыйтусемпе хуравсен каçĕсем, çĕнĕ кĕнекесем тăрăх вулакансен конференцийĕсем иртеççĕ. Çавăнпа кунта пурне те килĕшет.