26 декабря 2008 г.
Раштав уйăхĕн 15-мĕшĕнче “Единая Россия” партин Красноармейскинчи вырăнти уйрăмĕн политканашĕн черетлĕ ларăвĕ пулчĕ.
Политканаш членĕсемпе пĕрлех унта ял тăрăхĕсен пуçлăхĕсем те хутшăнчĕç. Ларура ку партин ноябрĕн 20-мĕшĕнче Мускавра иртнĕ X сăезчĕн итогĕсем çинче партин вырăнти уйрăмĕн ĕçтăвкомĕн председателĕ З. М. Долгова тĕплĕн чарăнса тăчĕ, сăезда тĕнчери кризис условийĕсенче çĕр-шыва 2020 çулчченхи тапхăрта аталантармалли Стратегие ĕçе кĕртессипе çыхăннă ыйтусене халалланине пĕлтерчĕ.
Ларура патшалăх пенси çулĕнчи çынсене пулăшу кÿрес тĕллевпе пурнăçлакан мероприятисем пирки РФ Пенси фончĕн районти управленийĕн ертÿçи А. В. Петрова каласа пачĕ.
Ларура çак парти ретне районти агропромышленность комплексĕнче ĕçлекен тата тăватă çынна илчĕç.
Ларăва партин вырăнти уйрăмĕн политканашĕн секретарĕ, район пуçлăхĕ С. А. Николаев йĕркелесе пычĕ, сăмах каларĕ.