19 декабря 2008 г.
Çулталăк пуçланнăранпа районти экономикăпа пурăнмалли çурт-йĕр обăекчĕсенче пурĕ 28 пушар (пĕлтĕрхи ку тапхăрта 27) тухнă, вĕсенче 2 çын пурнăçĕ татăлнă, 30 ытла обăект çуннă тата сиенленнĕ, 950 пин ытла тенкĕлĕх тăкак тÿснĕ.
Тишкерÿсем вут-кăвар алхаснин тĕп сăлтавĕсем электроприборсемпе, кăмакасемпе, газ приборĕсемпе усă курмалли правилăсене пăсни, ачасем шăрпăкпа выляни, пирус туртнă чухне асăрханусăр пулни тата юриех чĕртсе яни пулса тăнине çирĕплетеççĕ. Акă, кăçалхи декабрĕн 3-мĕшĕнче, çур çĕр иртни 19 минутра Красноармейскинчи 32-мĕш пушар чаçĕн çыхăну пунктне Красноармейски ялĕнчи Ленин урамĕнчи 1-мĕш çурт çунни пирки пĕлтерÿ çитнĕ. Пушар чаçĕн пĕрремĕш отделенийĕ çийĕнчех вырăна çитнĕ. Çуртран çăра тĕтĕм тухнине курнă, пушара вăхăтра сÿнтерме ĕлкĕрнĕ. Вутра çемçе диванпа матрацсем çуннă. Пушар сăлтавĕ — ÿсĕрпе пирус туртнă чухне асăрханусăр пулни.
Вăхăтра сисмен, пушара çийĕнчех сÿнтермен пулсан, инкек хăрушăрах та пулма пултарнă.