16 декабря 2008 г.
“Нумай ачаллă анне — çемье телейĕ” кăтартура Марковсем хăйсен кил-йышĕпе паллаштарчĕç.
Вĕсен виçĕ ачи те Трак гимназийĕнче пĕлÿ илеççĕ: Аня — 8 “б” класра, Андрей — 6 “б”, Сергей — 4 “а”-ра. Хĕрĕ хатĕрленĕ презентацире амăшĕн — Елена Геннадьевнăн — çемьери пĕлтерĕшĕпе вырăнне туллин уçса пачĕç. Амăшне халалласа çырнă сăввине Аня чĕрене тивмелле каласа парсан хăш-пĕрисен куçĕсем те шывланчĕç.
“Манăн кукамайпа асанне” курăмра калаçу районти яваплă вырăнта ĕçленĕ хисепе тивĕçнĕ Елена Николаевна Николаева çинчен пычĕ. Ольăпа Валерий Дмитриевсем кукамăшĕ, Аня Николаева асламăшĕ пирки ăшă та çепĕç сăмах нумай каларĕç, хăйсен хаклă çыннине вăрăм кун-çулпа ырлăх-сывлăх сунчĕç.