16 декабря 2008 г.
Экологи енĕпе иртнĕ республикăри XV ăслăлăхпа практика конференцийĕнче 150 ĕçрен иккĕмĕш тур валли 99 ĕç суйласа илнĕ.
“Комплекслă экологи тĕпчевĕсем” секцие Упири вăтам шкулти 10 класра вĕренекен тата районти ачасемпе çамрăксен пултарулăх çурчĕн “Çамрăк вăрманçă” вĕрентÿ пĕрлешĕвне çÿрекен Дмитрий Николаев “Изучение экологической обстановки села Убеево” ĕçĕпе хутшăннă, малти вырăна йышăнса I степеньлĕ диплома, çавăн пекех хаклă парнене — “Земля” энциклопедине тивĕçнĕ (ăслăлăх ертÿçи — биологипе хими учителĕ, хушма вĕрентĕвĕн педагогĕ Л. В. Фролова).
Вăрманçăсен секцийĕнче вара район чысне Чатукасси вăтам шкулĕнчи 9-мĕш класри Валерьян Михайловпа Кристина Викторова хÿтĕленĕ, “Динамика изменения листогрызущих насекомых вредителей дуба черешчатого” ĕçĕпе виççĕмĕш вырăн çĕнсе илнĕ. Вĕсене дипломпа тата парнепе — “Биология” энциклопедипе — чысланă (ăслăлăх ертÿçи — биологипе хими учителĕ В. П. Иванова).