16 декабря 2008 г.
Шывпуçĕнчи пĕтĕмĕшле пĕлÿ паракан шкулти улттăмĕш классем уçă класс сехечĕ кăтартрĕç. Унăн теми — “Кĕнеке — чи лайăх тус”.
Вĕренекенсем класс сехетне тĕплĕн хатĕрленнĕ, çавăнпа та вăл интереслĕ иртрĕ. Малтанах класс ертÿçи Л. Егорова кĕнеке историйĕпе паллаштарчĕ. Улттăмĕш классем пирвайхи ал çырăвĕсем, чи малтан пичетленсе тухнă кĕнекесем, пĕрремĕш чăваш букварĕ çинчен каласа пачĕç. Вĕренекенсем çавăн пекех кĕнеке çинчен сăвăсем вуларĕç, юрăсем юрларĕç. Куракансене У. Васильева, А. Васильева, Д. Александров, А. Порфирьев, А. Тимофеева пултарулăхĕ килĕшрĕ.
Мероприятин виççĕмĕш пайĕнче кĕнекепе çыхăннă тĕрлĕ конкурссем иртрĕç. Унта К. Мефодьева (5 кл.), А. Михайлов (7 кл.), И. Федорова (9 кл.) палăрчĕç, призсем илчĕç.