31 октября 2008 г.
Район территорийĕнче октябрĕн 13—25-мĕшĕсенче йĕркелĕхе пăснине кăтартакан оперативлă сводкăран.
- Октябрĕн 14-мĕшĕнче Красноармейскинчи “Три Эр” лавкка сутуçине 1965 çулта çуралнă арçын сăлтавсăрах пит-куçран çапнă.
- Октябрĕн 15-мĕшĕнче Упири 1959 çулта çуралнă арçын килĕнче амăшне хĕнесе тăкнă.
- Октябрĕн 16-мĕшĕнче Янмурçинти 1987 çулта çуралнă çамрăк ялти тепĕр çын килне кĕрсе унта пурăнакана хĕненĕ, хăратса 12 пин тенкĕ укçа ыйтнă.
- Октябрĕн 23-мĕшĕнче Анаткасри 1967 çулхи çамрăк мăшăрне хĕнесе тăкнă.
- Октябрĕн 23-мĕшĕнче Супарти 1950 çулхи хĕрарăмăн пахчинче утă купи çунса кĕлленнĕ.
- Октябрĕн 25-мĕшĕнче Пикшикри пĕр хĕрарăм хунямăшне ватса пĕтернĕ.
Район территорийĕнче çÿлерех асăннă тапхăрта тăхăр çын вилнĕ. Çав шутра иккĕшĕ çакăннă, тепри ĕçкĕ-çикĕпе çывăхланнипе пурнăçран уйрăлнă.