28 октября 2008 г.
Ĕçкĕ-çикĕ нихăçан та ыррине кăтартман. Виçене пĕлеймесен хăвăртах тÿрĕ çултан пăрать.
Çырмапуçĕнчи икĕ çамрăк хушшинче те акă, пĕр урамра пурăнакансемшĕн, пăтăрмах сиксе тухнă. Пĕри авланнă. Тепри хальĕхе хусах. Урамра курнăçнă вĕсем. Тĕрĕссипе виçĕ тус пулнă. Иккĕшĕ пĕрне кÿрентернĕ. Ку вара вĕсенчен хÿтĕленес шутпа пуртă йăтса тухнă. Пурттипе сулса янă та пуртă тăршшĕпе иккĕшĕнчен пĕрне пуçран вирлĕнех тивретнĕ.
Район сучĕ çак ĕçе пăхса тухрĕ. Çын сывлăхне сиен кÿнĕшĕн тата пуртăпа хăратнăшăн 1975 çулта çуралнă çамрăка тăватă çуллăха тĕрмене хупнă.