28 октября 2008 г.
Карайри çыхăну уйрăмĕнче 2009 çулхи пĕрремĕш çур çулшăн хаçат-журнал çырăнтарассине япăхах мар йĕркеленĕ. Акă, юпа уйăхĕн 24-мĕшĕ тĕлне кунта район хаçатне 48 экземпляр сарнă. Хальхи вăхăтра район хыпарçине 74 килте илсе тăраççĕ.
Çыхăну уйрăмĕн начальникĕ Людмила Петровна Алексеева пĕлтернĕ тăрăх, çырăнтару ĕçне Валентина Данилова, Лариса Куприянова, Жанна Иванова почтальонкăсем ытти çулхинчен те активлă хутшăнаççĕ.
— Пирĕн тĕллев — район хаçатне 100 кил пуçне 35 экземпляртан кая мар сарасси. Кашни çын “Ял пурнăçне” вулатăр, — тет Людмила Петровна.