24 октября 2008 г.
Пĕтĕм Раççейри “Единая Россия” политика партийĕ “Çĕр-шыври ача-пăчан чи лайăх тренерĕ” проект хатĕрленĕ. Унпа килĕшÿллĕн малтан конкурссене регионсенче ирттереççĕ. Пирĕн регионти (Чăваш Республикинчи) тапхăрăн кăтартăвĕсене пĕтĕмлетнĕ.
”Йывăрлăхсене çĕнтер” номинацире 1-мĕш степеньлĕ лауреат ятне, дипломпа укçан приза Упири хупă йышши шкулта ирĕклĕ майпа кĕрешме вĕрентекен, Чăваш Республикин тава тивĕçлĕ тренерĕ, аслă категориллĕ тренер, “Чул хула Газпром трансгаз” пĕрлешÿ филиалĕн - “Заволжски” ЛПУМГăн” аслă мастерĕ Владимир Николаевич Григорьев тивĕçнĕ.
Регион тапхăрĕнчи конкурс çĕнтерÿçисем федераци шайĕнчи тапхăра хутшăнаççĕ, унта çĕр-шыври ача-пăчан чи лайăх 100 тренерне суйласа илеççĕ. Вĕсене 2008 çулхи кĕркунне Мускавра чыслаççĕ.