24 октября 2008 г.
Иртнĕ шăмат кун Трак енри 4 спортсмен Сосновкăри кроса хутшăнчĕ. Вĕсенчен иккĕшĕ — И. Гавриловпа К. Львова — призлă вырăнсене йышăнчĕç.
Трак гимназийĕнче вĕренекен Иван Гаврилов 1994—1995 çулсенче çуралнă арçын ачасен ушкăнĕнче 3000 метра чупрĕ, асăннă дистанцие 12 минут та 36 çеккунтра вĕçлесе, виççĕмĕш вырăн йышăнчĕ. Унăн юлташĕ, Евгений Иванов, 6-мĕш вăхăт кăтартрĕ.
Кристина Львова, пĕр километрлă дистанцие 5 минут та 13 çеккунтра чупса тухса, 1996—1997 çулсенче çуралнă хĕр ачасем хушшинче иккĕмĕш вырăн йышăнчĕ. Çак ушкăнра Николай Васильев (райцентрти 2-мĕш шкул) 2 километрлинче пиллĕкмĕш вăхăт кăтартрĕ.