10 октября 2008 г.
Авăн уйăхĕн 17-мĕшĕнче иртнĕ Пĕрлĕхлĕ информаци кунĕнче çĕкленĕ ыйтусем çине паянхи номерте Упи ял тăрăхĕн пуçлăхĕ В. Я. ГРИГОРЬЕВ хуравлать:
“1. Пушар автомашинине тытса тăрасси — ял тăрăхĕнчи уйрăм кашни хуçалăх хăй ирĕкĕпе пушар автомашинине тытса тăма çулталăкра 50-шар тенкĕ хывать. Халĕ пушар автомашини юсавсăр, ăна тĕпрен йĕркене кĕртме 35 пин тенкĕ кирлĕ. Пушар автомашинине тата 4 пожарнике тытса тăма ял тăрăхĕн бюджетĕнче çуллен 250 пин тенкĕ хушма укçа пăхса хăвармалла.
2. Тусайри ФАП ĕçĕ çинчен — кунта пĕр фельдшерпа тепĕр санитарка ĕç кунĕсенче 8-тан 14 сехетчен, шăмат кунсенче 12-ччен ĕçлеççĕ. Участокри врач-терапевт вара чирлисене уйăхне пĕр хутчен график тăрăх йышăнать”.