07 октября 2008 г.
Пĕтĕм тĕнчери ватă çынсен кунĕнче, юпа уйăхĕн 1-мĕшĕнче Красноармейскинчи “Витязь” кафере “Красноармейский” совхозра вăй хурса тивĕçлĕ канăва тухнисен тĕл пулăвĕ иртрĕ. Ваттисене сума суса хисеплемелли паллă пулăм ячĕпе вĕсене (30-ăн ытла пычĕç унта) хуçалăхри ветерансен канашĕн председателĕ З. А. Аркадьева, Красноармейски ял тăрăхĕн пуçлăхĕ В. К. Шестаков, РФ Пенси фончĕн районти управленийĕн ертÿçи А. В. Петрова тата район администрацийĕн вырăнти хăй тытăмлăх органĕсемпе ĕçлекен сектор заведующийĕ В. М. Данилов саламласа телей, ăшă кил, ăнăçу, ырлăх сунчĕç.
Ветерансене районти халăх пултарулăх çуртĕнче вăй хуракансем юрăсем парнелерĕç.