05 сентября 2008 г.
Район депутачĕсен Пу-хăвĕн депутачĕ, Пуху председателĕн çумĕ В. Н. Григорьев — район хаçачĕн редакцийĕн çывăх тусĕ. Заволжски ЛПУМГри линипе эксплуатаци службин яваплă ĕçченĕ, ачасене спорта явăçтарас çĕрти ÿсĕмсемшĕн ăна "Чăваш Республикин тава тивĕçлĕ тренерĕ" хисеплĕ ят парса чысланă. Райхаçатра вăхăтран вăхăта вăл çырнă статьясем пичетленеççĕ. Акă нумаях пулмасть унăн "Ăсталăха аталантарассин чикки çук" статйи çапăнса тухрĕ. Унта автор ирĕклĕ майпа кĕрешмелли спорта çĕклемелли ыйтусене хускатать.
Нумаях пулмасть вăл тепĕр пуçару турĕ. Район хаçатне хăй ирĕкĕпе редакци урлă ку çур çулта, 2009 çулхи пĕрремĕшпе иккĕмĕш çур çулсенче илсе тăмашкăн та çырăнчĕ. Хак ÿсес-тăвас пулсан кайран хушса тÿлеме пулчĕ. Хăй каланисене сăмахпа мар, ĕçпе çирĕплетет газ отраслĕн хастар çынни. Хăй округĕнчи суйлавçăсем ăна нумай хут ĕнтĕ район депутачĕсен Пухăвĕн депутачĕ пулма шанаççĕ. Шанăçа тÿрре кăларать халăх тарçи.