29 августа 2008 г.
Редакци умĕнчи пасарта куллен çын хĕвĕшет. Халь улма-çырла, пахча çимĕç вăхăчĕ те… Сутаканнисем те, туянаканнисем те йышлă. Вĕсене çумăр чăрмантармарĕ-ха. Пĕр кун тăруках пĕлĕтсем капланса килчĕç те… яра пачĕ çумăр.
Камăн исленес, йĕпенес килтĕр! Тротуар çинчи сутуçăсем тăруках саланчĕç. Тепĕр спортсменран та кая мар. Эх, сирпĕнтереççĕ редакци умĕнчи крыльца еннелле! Пĕри акă, тĕреклĕреххи, картлашкаран такăнчĕ те тÿпех йăванчĕ. Хăйĕнчен маларах хашкаса çитнĕ хĕрарăма та пĕрле йăвантарчĕ. Ку тата урисем çинче тĕрев çухатнипех пуль, виççĕмĕшне месерле хучĕ.
Çумăртан хÿтлĕх тупнисем пурте ăмăртмаллах ахăлтатса кулчĕç.