26 августа 2008 г.
Пичетре пĕлтернĕччĕ ĕнтĕ, массăллă информаци хатĕрĕсен сорциаллă пĕлтерĕшлĕ проекчĕсен республикăри конкурсĕнче “Красноармейски районĕнчи “Ял пурнăçĕ” хаçат редакцийĕ" республика патшалăх учрежденине “Пичет изданийĕсем” ушкăнра Чăваш чĕлхин хăйне евĕрлĕхĕ, чăвашсене çутта кăлараканĕ И. Я. Яковлев çуралнăранпа 160 çул çитнĕ май, Никама пăхăнман патшалăхсен пĕрлешĕвĕнчи Литературăпа вулав, ЮНЕСКО пĕлтернĕ Пĕтĕм тĕнчери чĕлхесен çулталăкĕнче чăваш чĕлхине сыхласа хăварас тата ăна сарас çĕрти çивĕч ыйтусем” номинацире 2-мĕш вырăн панă. Халĕ райхаçатра çав проекта пурнăçлас ĕçсем сарăлса пыраççĕ.
Ку проектпа килĕшÿллĕн райхаçат редакцийĕ "Чăвашсене çутта кăлараканĕ И. Я. Яковлев çуралнăранпа 160 çул тултарнă май калаçури чăваш чĕлхин тасалăхĕшĕн" акци ирттерет. Вăл кăçалхи çулталăк вĕçлениччен пырать. Хаçата тăтăшах çырса тăракансене тата вулакансене ку темăпа хăйсен шухăшĕсене пĕлтерме, редакцие статьясемпе заметкăсем, çырусем çитерме ыйтатпăр. Уйрăмах пысăк пĕлтерĕшлĕ çырусене район хаçатĕнче пичетлетпĕр. Чи активлă авторсене сувенирсемпе чыслатпăр.