22 августа 2008 г.
Кăçалхи январĕн 1-мĕшĕн-чен тытăнса ÿсĕр пуçпа тата водитель удостоверенийĕ çук е унран хăтарнă çынсем транспорт хатĕрĕпе çÿренĕшĕн, милици сотрудникĕ эрех ĕçнĕ водителе медицина тĕрĕслевĕ витĕр тухма ыйтнине пурнăçламаншăн çирĕпрех ыйтма пуçларĕç. Çак тĕслĕхсемшĕн вĕсене РФ КоАПĕпе килĕшÿллĕн, 15 талăк таран ирĕкрен хăтарма пултараççĕ.
Акă, кăçал çулталăк пуçланнăранпа миравай судья районти 74 водителе РФ КоАПĕн 12.8, 12.26 стайисемпе административлă явап тыттарма йышăну тунă. Тĕслĕхрен, водитель правинчен хăтарнă М. Ю. Ефремов пĕр уйăх хушшинче 2 хут ГИБДД ĕçченĕсен аллине çакланнă. Ун хыççăн та вăл транспорт хатĕрĕпе çÿренĕ, çакăншăн ăна шалти ĕçсен районти пайĕнчи камерăна хупса лартнă. Çавăнпа та ГИБДДăн районти уйрăмĕ йĕркене пăсакансене тупса палăртас тĕлĕшпе хушма рейдсем ирттересси пирки пĕлтерет.