Публикации » Килте тĕртнĕ кавирсен илемĕ иксĕлми

12 августа 2008 г.

Тинтерех çеç-ха Яманак ялĕнче пурăнакан Анфиса Артемьевнапа Кронид Тимофеевич Форверцсем хăйсен изумруд туйне — пĕрлешнĕренпе 55 çул çитнине — паллă турĕç. Çакна та пĕлтерме хавас: иккĕшĕ те — ал ăсти. Кронид Тимофеевич, сăмахран, пушă вăхăтра алла пуртă-сава тытма, сăрăсем илсе ÿкерчĕксем тума кăмăллать. Кил-çуртĕнче ăçта пăхнă унта вара — кавирсем. Вĕсене Анфиса Артемьевнан ылтăн аллисем тĕртнĕ. Çакна валли кил хуçи ăсталанă ятарлă станокпа та ĕçлесе кăтартрĕ вăл пире, хăй тĕрленĕ кавирсемпе паллаштарчĕ: фабрикăсенче тĕртнисенчен уйăрса та илеймĕн çав. Ырă кăмăллă çак çемьере мĕн чухлĕ илем пулнинчен, чăн та, тĕленмеллипех тĕлĕнтĕмĕр.