08 августа 2008 г.
Айăпĕ камра-ши?
Самана сакки çĕнелчĕ, сарлака та вăрăм вăл, илемлĕ. Çут малашлăха чĕнет, илĕртет. Анчах медалĕн тепĕр енĕ те пур тенешкел, тĕксĕмрех вăл, ытлашши илĕртмест.
Мĕн каласшăн-ха эпĕ кунпа? Эпир чылай чухне пуçланă ĕçе вĕçне çитерейместĕр е япалан ĕмĕрне тăсассишĕн тăрăшмастпăр. Акă иртнĕ çул Красноармейскинчи Ленин урамне асфальт сарса çĕнĕ бордюрсем вырнаçтарчĕç. Халĕ пăхатăн-та, ватă енне сулăннă çын çăварĕнчи шăлсем евĕр вĕсем унта та кунта йăванса выртаççĕ. Айăпĕ камра-ши: строительсенче е каçхине çавраçил пек çÿрекен чăрсăр водительсенче?