01 августа 2008 г.
Июлĕн 28-мĕшĕнче Пĕтĕм Раççейри 2010 çулхи халăх çыравне ирттерес тĕлĕшпе ĕçлекен районти комиссин черетлĕ ларăвĕ пулнă. Ăна асăннă комисси председателĕ, район пуçлă-хĕ С.Николаев йĕркелесе ертсе пынă.
Ларура кăçалхи пĕрремĕш çур çулта Пĕтĕм Раççейри 2010 çулхи халăх çыравне хатĕрленсе ирттермелли мероприятисене епле пурнăçлани тата районти ял тăрăхĕсенчи адрес хуçалăхĕнчи çитменлĕхсене мĕнле пĕтерсе пыни çинчен Чăвашстатăн районти тĕп специалисчĕ Ю.Васильева пĕлтернине итленĕ.
Лару асăннă пĕлтернине шута илнĕ, ял тăрăхĕсен пуçлăхĕсене халăх çыравне хатĕрленмелли мероприятисене куллен пурнăçласа пыма, адрес хуçалăхĕнчи çитменлĕхсене пĕтерме сĕннĕ.