Публикации » Тулăх хĕлшĕн тăрăшса

25 июля 2008 г.

Июлĕн 21-мĕшĕ тĕлне районĕпе 4350 тонна сенаж хатĕрленĕ. Çав шутран 1000 тоннине — “Красное Сормовора”. Кунта Яманакри сĕт-çу ферми çывăхĕнче сĕтеклĕ çак апата икĕ траншейăна хывса тултарнă хыççăн, апат хатĕрлекен звено Çирĕклĕри фермăна куçрĕ. Халĕ ир пуçласа каçченех çакăнта ĕç шавĕ тăрать те. А. Матвеев Т-150К тракторпа уйран Николай Федоровпа Александр Карпов Г. Петров водительсем автомашинăсемпе кÿрсе килекен массăна траншея тăрăх салатса тухса пусăрăнтарать.

Александр Никитин люцерна курăкне косилка-плющилкăпа çулса паккуса хурса пырать. Кăшт кушăхнă курăка Юрий Иванов “Полесье” комбайнпа пухса пырса вĕтетсе автомашина кузовĕсене тултарать. Çапла куллен. Обществăлла выльăх-чĕрлĕхе тулăх хĕл туса парассишĕн пуçарнă кĕрешÿ ку тăрăхра хĕрсех пырать.