18 июля 2008 г.
Утă уйăхĕн 13-мĕшĕнче Еншик Чуллă ял тăрăхĕн территорийĕнче Вăрманкас ялĕнче çуралса ÿснĕ пĕр тăван Архиповсен парнисене çĕнсе илессишĕн мини-футбол турнирĕ иртрĕ. Унта хамăр районти ял тăрăхĕсен командисемсĕр пуçне Шупашкар тата Етĕрне районĕсенчи футболистсем те хутшăнчĕç. Турнир умĕн вĕсене Еншик Чуллă ял тăрăхĕн пуçлăхĕ Г. Т. Васильев, “Трак ен” ентешлĕх правленийĕн председателĕ А. Н. Львов, унăн çумĕ Ю. Ф. Батраков, пĕр тăван Архиповсем саламларĕç, ăмăртусенче çитĕнÿсем сунчĕç.
Турнир хĕрÿ иртрĕ. Пĕрремĕш вырăна — Шупашкар районĕнчи “Альгешево” команда, иккĕмĕшне — “Олимп-1”, виççĕмĕшне "Лидер" çĕнсе илчĕç, парнесене тивĕçрĕç.