15 июля 2008 г.
Яманакри сĕт-çу фермине Е. Г. Алексеева ăнăçлă ертсе пырать. Ĕçе лайăх ăнкарнипе, çынсемпе ĕçлеме пĕлнипе Елена Григорьевна дояркăран пуçласа ферма заведующийĕ таран ÿсрĕ.
“АПК аталанăвĕ” наци проекчĕ шучĕпе çĕнĕ ĕне витисене туса лартнăранпа тенĕ пекех, 1979 çултанпа вăл кунта вăй хурать. 16 çул ĕнесем сунă, 1995 çулта ăна лаборантка ĕçне шанса панă, 2002 çултанпа вара вăл — ферма заведующийĕ. Кунпа пĕрлех лаборантка тивĕçĕсене те пурнăçлать.
Ку коллективăн ĕçри ÿсĕмĕсем савăнтармаллипех савăнтараççĕ, ĕне фермине реконструкцилесе çĕнетнĕ, çĕнĕ технологипе ĕçлеме тата паниçкесем валли пахалăхлă апат хатĕрлеме тытăннă хыççăн ĕнесенчен продукци илесси куç умĕнчех ÿссе пырать. Хальхи вăхăтра кунти ĕнесем талăкне вăтамран 18 килограмм таран сĕт антараççĕ. Коллективăн ĕçри ÿсĕмĕсене тата хăйĕн тăрăшулăхне кура Елена Григорьевна Алексеева заведующине кăçалхи Акатуйра ЧР Ял хуçалăх министерствин Хисеп грамотипе тата хаклă парнепе наградăларĕç.