15 июля 2008 г.
Паянхи кун ял хуçалăх таварĕсем туса кăларакансем производствăна çĕнĕ технологисене ĕçе кĕртмесĕр, энергипе ресурссене перекетлекен техникăсем туянмасăр тухăçлă ĕçлеме, ял хуçалăх производствинче лайăх кăтартусем тума пултараймаççĕ. Çакна ăнлансах тулли мар яваплă "Красное Сормово" пĕрлешÿ иккĕмĕш çул ĕнтĕ, нумай çуллăх инвестици кредичĕсемпе усă курса, кивĕ, хăй срокне тахçанах ĕçлесе кăларнă техникăсене çĕннисемпе ылмаштарать. 2007 çулта кунта 1405 пин тенкĕлĕх çĕнĕ техника туяннă, 8 миллион тенкĕ тăкакласа сĕт-çу фермине реконструкциленĕ пулсан, кăçалхи 6 уйăхра 6 миллион тенкĕ нумай çуллăх кредитсемпе усă курнă: "Полесье" тĕш тырă комбайнĕ, "Беларус - 952", "Беларус - 82.2" маркăллă тракторсемпе ют çĕр-шывра туса кăларнă çаклатса çÿремелли косилка-плющилка, рулон тăвакан пресс-подборщик тата БДМ 3Х4П дискатор туяннă.