08 июля 2008 г.
Ыйту: Красноармейскинчи Союзная урамра хăçан йĕркеллĕ çул пулĕ-ши? (В. Федоров)
Ку ыйту çине район администрацийĕн строительство тата пурăнмалли çурт-йĕрпе коммуналлă хуçалăх секторĕн ертсе пыракан специалисчĕ Ю. И. Иванов çапла хуравлать:
“Чăваш Республикин Президенчĕ Н. Федоров 2008 çулта республика Патшалăх Канашне янă “Малашлăхшăн паян ĕçлетпĕр!” Çырăва пурнăçласа тата Чăваш Республикин Министрсен Кабинечĕн ку çырăва пурнăçа кĕртмелли 2008 çулхи мартăн 4-мĕшĕнче 54-мĕш йышăнупа çирĕплетнĕ ĕç тăвакан власть органĕсен ĕç-хĕл мероприятийĕсен Комплекслă планне тĕпе хурса, 2009 — 2011 çулсенче республика бюджетĕнче ялсенчи тĕп урамсене асфальт сармалли программăри мероприятисене ĕçе кĕртме укçа-тенкĕ калăпăшне йĕркелес тĕллевпе Чăваш Ен Строительство министерствин автомобиль çулĕсен управленине кăçалхи май уйăхĕнче муниципаллă район чиккинче вырнаçнă ялсен урамĕсенче 2015 çулччен (тапхăрсем çине пайласа) автомобиль çулĕсем тумалли даннăйсене хатĕрлесе тăратнă.
Çак перечене Красноармейскинчи Союзная урамри çула реконструкцилессине те кĕртнĕ. Красноармейски ял тăрăхĕн администрацийĕнчен тăратнă даннăйсем тăрăх, çак ĕçе 2012 çулта пуçăнмалла”.