01 июля 2008 г.
Çулсем шав малаллах васкаççĕ. Акă, район администрацийĕн водителĕ Ю. В. Петров та хăйĕн 50 çулхи юбилейне паллă турĕ. Юрий Валентинович хăйĕн ĕçне лайăх пĕлнипе, ăна тĕплĕн пурнăçланипе уйрăлса тăрать. Коллективра та, ял-йышра та хисепре вăл. Районти “Ял пурнăçĕ” хаçата та çулленех çырăнса илет, юратса вулать.
Юбилей ячĕпе тата тăрăшуллă ĕçшĕн Юрий Валентиновича район администрацийĕн Тав çырăвĕпе чысланă. Ăна район пуçлăхĕ С. А. Николаев савăнăçлă лару-тăрура панă, пурнăçри паллă кунпа саламланă май, ырлăх-сывлăх, çемьере телей, юрату, татулăхпа килĕшÿлĕх суннă.