Публикации » Ямал-Ненецк автономи округĕн халăх артистки “Трак ен” ансамбльпе халăх хорне çÿрекенсемпе мастер-класс ирттерчĕ

01 июля 2008 г.

Çĕртме уйăхĕн 27-мĕшĕнче Красноармейскинче Тюмень облаçĕн делегацийĕ — Тюмень облаçĕнчи чăвашсен “Тăван” ассоциацийĕн вице-президенчĕ В. П. Тимофеев тата Ямал-Ненецк автономи округĕн халăх артистки, Çĕнĕ Уренгой хулин хисеплĕ гражданинĕ Н. В. Гаврилова пулчĕç. Вĕсем иккĕшĕ те Муркаш районĕнче çуралнă, чылайранпа ĕнтĕ Тюмень тăрăхĕнче ĕçлесе пурăнаççĕ. Инçетри хăнасемпе пĕрле Трак ене Чăваш наци конгресĕн чăваш диаспорисемпе ĕçлекен специалисчĕ Н. И. Иванова та килчĕ. Владислав Петровичпа Нина Владимировна красноармейскисене хăйсен ĕçĕ-хĕлĕпе паллаштарчĕç, Тюмень тăрăхĕнчи чăвашсен пурнăçĕ пирки каласа пачĕç. Ямал-Ненецк автономи округĕн халăх артистки Н. В. Гаврилова кунпа пĕрлех халăх пултарулăхĕн районти çурчĕ çумĕнчи ветерансен хорне тата “Трак ен” фольклор ушкăнне çÿрекенсемпе мастер-класс ирттерчĕ.