01 июля 2008 г.
Чăваш Республикин Президенчĕн 2006 çулхи октябрĕн 3-мĕшĕнчи “Чăваш Республикинчи куçман пурлăх обăекчĕсене тата çĕр участокĕсене патшалăх енчен шута илессине вĕçлемелли хушма мерăсем çинчен” 80-мĕш Указне пурнăçласа, пирĕн районта июнĕн 25-мĕшĕ тĕлне, çĕре патшалăх харпăрлăхне çирĕплетессипе килĕшÿллĕн, çĕр участокĕсене муниципаллă йĕркелĕвĕн харпăрлăх правине регистрацилессине пĕтĕмпех вĕçленĕ.
Муниципаллă харпăрлăх правине пĕтĕмпе 114,53 гектар çинчи 97 участокăнне регистрациленĕ, çав шутра Красноармейски районĕ муниципаллă йĕркелĕвĕнне 61 çĕр участокĕ, ял тăрăхĕсенне — 36. Ку тĕлĕшпе Мăн Шетмĕ, Упи, Кĕçĕн Шетмĕ, Пикшик тата Чатукасси ял тăрăхĕсенче пысăк активлăх кăтартнине палăртма кăмăллă. Вĕсенчех капиталлă строительство обăекчĕсене инвентаризацилес енĕпе те тимлĕ ĕçлесе пыраççĕ.