00:00 27 января 2009 г.
Чăваш Республикинчи потребитель пĕрлешĕвĕсен союзĕн (“Чăвашпотребсоюз”) республикăри массăллă информаци хатĕрĕсен “Потребительсен кооперацийĕ-2008” конкурсĕнче район хаçачĕсен тĕп редакторĕсем хушшинче районти “Ял пурнăçĕ” хаçатăн тĕп редакторĕ Иван Афанасьевич Прокопьев журналист пĕрремĕш вырăн йышăннă, “Чăвашпотребсоюз” канашĕн дипломĕпе укçан премие тивĕçнĕ.
Республикăри Шалти ĕçсен министерстви иртнĕ çул массăллă информаци хатĕрĕсен йышĕнче йĕркеленĕ XI “Правопорядок” конкурсĕн “Следствие ведут знатоки” номинацийĕнче райхаçат редакцийĕн социаллă ыйтусен пайĕн редакторĕ Георгий Леонидович Ефимов палăрнă, республикăри Шалти ĕçсен министерствин дипломĕпе хаклă парнене Вадим Антонов министр аллинчен тивĕçнĕ.