00:00 03 июня 2008 г.
Кăçалхи çу уйăхĕн 30-мĕшĕнче Шупашкарта Пичет çуртĕнче “Хыпар” издательство çурчĕн обществăлла корреспондентсен 2-мĕш пухăвĕ иртрĕ. Ăна “Хыпар” хаçат издательстви Н. Никольский çуралнăранпа 130 çул çитнине тата “Хыпар” хаçатăн 25000-мĕш номерĕ тухнине халалланă. Пухăва Чăваш Енĕн тĕрлĕ районсенчен, çав шутра Красноармейски тăрăхĕнчи В. Данилов, Г. Ефимов-Тусли, К. Шачкин, Н. Янгер хутшăнчĕç.
Пухура А. Леонтьев генеральнăй директор-тĕп редактор “Хыпар” хăнисене, çав шутра Георгий Туслие те, “Ял пурнăçĕ” хаçат редакцийĕн пай редакторне, Тав хучĕпе чысларĕ.
Саламлатпăр!
Кунашкал 1-мĕш пуху виçĕ çул каялла пулнăччĕ. Ун чухне те Георгий Тусли, пархатарлă ĕçшĕн, творчество лаççинче ырми-канми вăй хунăшăн “Хыпар” хаçатăн Тав çырăвне илнĕччĕ.