09:36 05 марта 2021 г.
Пуш уйăхĕн 4-мĕшĕнче районти культура çуртĕнче пирĕн ентеш Александр Пăртта çырнă «Хăвăрт укçа çавăрать пуçа» /Деньги мигом голова кругом/ камит пулчĕ.
Унта Чăваш халăх академи драма театрĕн артисчĕсем вылярĕç. Вĕсем çаксем пулчĕç: Сергей Павлов, Григорий Федоров, Анна Цветкова, Оксана Драгунова, Евгений Урдюков, Чăваш Республикин тава тивĕçлĕ артисчĕ Валерий Карпов тата Чăваш халăх тата Раççей халăх артистки Нина Григорьева.
Палăртнă вăхăта Трак енсем культура çуртне йышлăн пухăнчĕç, курав залне иртрĕç, вырăнсене йышăнчĕç.
Спектакль пуçланнине систерсе залра çутă сÿнчĕ, спектакль пуçланчĕ.
Камите халăх ăшшăн йышăнчĕ. Пухăннисене артистсен вылявĕ тыткăнларĕ: вĕсем кулчĕç, савăнчĕç, тăвăллăн алă çупрĕç.
Куракансем те, вылякан артистсем те пĕр-пĕринпе кăмăллă юлчĕç. Пухăннисем çакăн пек спектакльсем татах пуласса шанса савăнăçлă туйăмпа килĕсене ăсанчĕç.
Александр Пăрттан камичĕ çывхарса килекен Хĕрарăмсен кунĕ умĕн Трак енсемшĕн, чăн та, парне пулчĕ, кăмăла уçрĕ.
АУ "Редакция Красноармейской районной газеты "Сельская жизнь"