15:39 19 февраля 2021 г.
Нарăс уйăхĕн 19-мĕшĕнче Чăваш Республикин Пуҫлăхĕ Олег Николаев Раҫҫей Федерацийĕн спорт Министрĕн ҫумĕпе Андрей Сельскийпе ĕҫлĕ тĕлпулу ирттернĕ.
Уҫă калаҫăва Чăваш Республикин Министрсен Кабинечĕн Председателĕн ҫумĕ – экономика министрĕ Дмитрий Краснов, Чăваш Республикин спорт министрĕ Василий Петров, Чăваш Республикин информаци политикин министрĕ Кристина Майнина хутшăннă, регионти спорта цифра тытăмне куҫарасси ыйтăва тарăн сӳтсе явнă.
Олег Николаев Раҫҫей Президенчĕ Владимир Путин влаҫ органĕсем умне ҫĕнĕрен те ҫĕнĕ цифра тытăмне вăй илтермеллине палăртнине тепĕр хут асăнса хăварнă. Паллă, пурнăҫăн кирек-епле сферинче те ку ҫĕнĕлĕхсене аталантарса пыма сĕннĕ калаҫăва малалла тăснă май регион Пуҫлăхĕ. Цифра ҫине куҫарни хăш-пĕр ыйтусене ҫийĕнчех татса пама май парать. Кун пирки пуҫлăхсем ҫирĕплетсе каланă. Раҫҫей Федерацийĕн спорт Министрĕн ҫумĕ Андрей Сельский спорт пайне цифра ҫине куҫарассипе виҫĕ енлĕн ыйту пурнăҫа кĕрсе пынине асăннă. «Хăш-пĕр спортра кун евĕр ĕҫлесе пыни кăтартусене лайăхлатма витĕм кӳрет. Калăпăр, хоккеистсем хăйсен вăййисене туххăмрах экран ҫинче пăхма пултараҫҫĕ, начар енсене курса, вĕсене сирсе яма пикенеҫҫĕ. Кашни ҫын епле выляма пултарнине те хаклама питĕ ансат», – тесе каланă министр ҫумĕ хăйĕн сăмахĕнче.
РФ спорт Министрĕн ҫумĕ Чăваш Енре ĕҫлĕ ҫул ҫӳревре пулнă май, «Цифровая прокачка. Чувашская Республика. Спорт и физическая культура» сесси ĕҫне хутшăнать. Ҫакнашкал мероприятине ытти субъектсенче те йĕркеленине хыпарланă министр ҫумĕ. Пĕтĕмлетӳсем тунă хыҫҫăн ҫулсен карттине йĕркелеме, спорт тытăмне цифра ҫине куҫарассипе 2021-2030-мĕш ҫулсенче аталантарса пымалли ҫул-йĕрсене те палăртса хăварма аван пуласса асăннă.
АУ "Редакция Красноармейской районной газеты "Сельская жизнь"