11:37 22 января 2015 г.
А. Аркадьев, Красноармейски ялĕнчи Первомайски урамĕн старости:
Чăваш оперăпа балет театрĕнче Чăваш Республикин Пуçлăхĕ М. В. Игнатьев Патшалăх Канашне янă "Пĕрле эпир нумай çитĕнỹ тăваятпăр!" Çырăва эпĕ те итлерĕм. Ку евĕр мероприятине пуçласа хутшăнтăм пулин те, килĕшрĕ. Михаил Васильевич ял çыннисене хумхантараканы йтусене те сахал мар çĕклерĕ, çав шутра сĕт хакĕ пирки те: "... Сĕт туса илекен пĕчĕк калăпăшлă хуçалăхсен ĕçченĕсем кашни çулах çуркуннепе çуллахи тапхăрта йĕркеленекен туяну хакĕсем йỹнĕрен кăмăлсăр пулнине тĕрĕсех палăртаççĕ... Сĕт туса илекен килти хушма хуçалăхсемпе, вĕсем паракан сĕт пахалăхне шута илсе, тỹлесе татăлмалли тухăçлă тытăма 2015 çулхи утă уйăхĕн 1-мĕшĕччен туса хума хушатăп...". Эпĕ - ĕç ветеранĕ. Çак ят аилнĕшĕн хĕпĕртетĕп. Çапах та производствăра нумай вăй хурса ку ята тивĕçейменнисем те чылăйăн-çке. Хамăр тăрăхра та çаплах. Питех те шел куншăн. Çак тĕрĕсмарлăха пĕтерес тĕллевпе Чăваш Ен Пуçлăхĕ пĕлтĕрхи ноябрĕн 26-мĕшĕнче "Чăваш Республикин Президенчĕн 2011 çулхи октябрĕн 7-мĕшĕнче кăларнă 90-мĕш Указне улшăнусем кĕртесси çинчен" Указ йышăнчĕ. Унта ЧР территорийĕнче пурăнакан граждансене, ĕç стажĕ 37 çул та 6 уйăхпа (хĕрарăмсен) тата 42 çул та 6 уйăхпа (арçынсен) танлашакан ĕç стажĕллĕ, пенси ỹсĕмне çитнисен "Чăваш Республикин ĕç ветеранĕ"ят илме право пуррине палăртнă. Михаил Васильевич Çырура çакна тепĕр хут уçăмлăн асăнса хăварчĕ. Тепĕр шухăш. Хăйĕн Çырăвĕнче ЧР Пуçлăхĕ урамсенчи çулсем пирки çаплакаларĕ: " ... Паян поселенисен çулсене тытса тăма та, çулсем тума та укçа çук. Йĕркеленнĕ лару-тăрăва тата районсенче пурăнакансен шухăш-кăмăлне шута илсе эпĕ Чăваш Республикинчи халăх пурăнакан вырăнсенчи урамсемпе çул-йĕртытăмĕн регионти пахалăх стандарчĕсене туса хатĕрлеме хушрăм ... Ял халăхĕ лайăх условисенче пурăнма тивĕç тата вăл ку правăна çĕнсеилнĕ...". Урам старостин тивĕçĕсене пурнăçланă май, çакă питĕ те тĕрĕс тесе шутлатăп. Михаил Васильевич спорта аталантарасси, сывăпурнăç йĕркине çирĕплетесси çинчен те нумай чарăнсатăчĕ. Акă, иртнĕ çул Шупашкарта Пĕтĕм тĕнчери V "Раççей - спорт çĕршывĕ" спорт форумĕ иртрĕ. Унта Трак енри ветерансемпе çамрăксен йышĕнче эпĕ те пулса куртăм. Ыттисемпе пĕрлех ГТО нормативĕсене пурнăçлама пултартăм. Куншăн хĕпĕртерĕм те. "... 2015 çулхи çĕртме уйăхĕнче Шупашкарта çăмăл атлетика енĕпе Европăн командăсен V чемпионачĕ уçăлать. Кун пек ăмăрту Раççейрепуçласа иртет", -палăртрĕ Çырура Михаил Васильевич. Чун-чĕререн ырлатăп çакна, мăнаçланатăп та. Пирĕн çитĕнỹсене, тĕрĕссипе, никам та хирĕлеме пултараймĕ.
АУ "Редакция Красноармейской районной газеты "Сельская жизнь"