Новости » Вырăнлă проект

15:43 01 августа 2014 г.

ЧР юстици министерстви “ЧР “Чăваш Республикинче вырăнти хăй тытăмлăха йĕркелесси çинчен” саккунне улшăнусем кĕртесси çинчен” саккун проектне хатĕрленĕ, ăна обществăра сỹтсе явма тăратнă. Ял тăрăхĕн тытăмĕнче пĕрремĕш çул вăй хумастăп эпĕ. Вырăнти хăй тытăмлăх органĕсене йĕркелемелли мелсене регионсене хăйсене суйламашкăн ирĕк пани — ман шутпа, ырă пулăм. Манăн сĕнỹ çапла: çитес тапхăрта ял тăрăхĕн пуçлăхне халăх суйланă депутатсенчен палăртмалла. Ку таранччен пирĕн 39 полномочи. 2015 çултан пуçласа ял тăрăхĕсем вырăнти пĕлтерĕшлĕ 13 ыйтăва татса пама тивĕç, теççĕ. Апла пулин те, вăл е ку ыйтусемпе ял халăхĕ пирĕн патах килет-çке. Пирĕн вара район шайĕнчи пуçлăхсем патне çул тытма тивет. Полномочисене чакарнин япăх енĕсем те пулма пултараççĕ пулĕ. Юлашкинчен: ку таранччен район тытăмĕнче икĕ пуçлăх пулнă, вĕсем йĕркеллех ĕçлесе пынă.П. НИКОЛАЕВА, Мăн Шетмĕ ял тăрăхĕн пуçлăхĕ

АУ "Редакция Красноармейской районной газеты "Сельская жизнь"